སྣོད་བཅུད་དོ་དམ་སྲུང་སྐྱོང་པས་རང་ཉིད་ཀྱི་ཁྱིམ་གཞིས་སྲུང་སྐྱོང་བྱེད་པ།

        མཚོ་སྔོ་རེངས་ནི་མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་གྱི་རྨ་སྟོད་རྫོང་དུ་གནས་ཤིང་། གཙང་གསུམ་ཆུ་འགོའི་རྒྱལ་ཁབ་སྤྱི་གླིང་གི་སྒྲིག་གཞིའི་ཚོད་ལྟའི་ཁྱབ་ཁོངས་ནང་གི་གལ་ཆེའི་སྲུང་སྐྱོང་ས་ཁོངས་དུ་ཚུད་ཡོད། ཉེ་བའི་ལོ་ཤས་ནང་སྲིད་གཞུང་གིས་ས་གནས་དེའི་འབྲོག་པ་སྣོད་བཅུད་དོ་དམ་སྲུང་སྐྱོང་པར་བསྡུས་པས་ཕྱུགས་ཟོག་འཚོ་སྐྱོང་པ་ནས་དོ་དམ་སྲུང་སྐྱོང་པར་འགྱུར་ཏེ་འབྲོག་པ་ཚོའི་འཚོ་བ་སྐྱེལ་སྟངས་ལ་འགྱུར་ལྡོག་བཏང་བ་མ་ཟད། སྣོད་བཅུད་སྲུང་སྐྱོང་ནང་ཧུར་ཐག་ཞུགས་མཁན་ཞིག་ཏུ་གྱུར་ཡོད། མིག་སྔར་གཙང་གསུམ་ཆུ་འགོའི་རྒྱལ་ཁབ་སྤྱི་གླིང་གི་སྒྲིག་གཞིའི་ཚོད་ལྟའི་ཁྱབ་ཁོངས་ནང་གི་སྣོད་བཅུད་དོ་དམ་སྲུང་སྐྱོང་པའི་ལས་གནས་སུ་ལས་ཀ་བྱེད་མཁན་མི་17211ཡོད་པ་དང་། ཡངས་ཤིང་རྒྱ་ཆེ་བའི་རྩྭ་ཐང་སྟེང་ཤང་གྲོང་དོ་དམ་སྲུང་སྐྱོང་ས་ཚིགས་དང་། གྲོང་ཚོ་རིམ་པའི་དོ་དམ་སྲུང་སྐྱོང་རུ་ཁག  དོ་དམ་སྲུང་སྐྱོང་ཡན་ལག་རུ་ཁག་ཆུང་ངུ་བཅས་ཀྱིས＂ཚགས་དམ་ལ་ཡོངས་སུ་ཁྱབ་པའི＂སྲུང་སྐྱོང་གི་མ་ལག་ཅིག་སྒྲུབ་ཡོད།