རྒྱལ་ཐང་སྐོར་བྲོ་ཚོང་དཔོན་གསེར་རིའི་འགོ་ལ་ཞེས་པའི་ཚིག

གཞས་བ་དགུང་སྔོན་མཐོ་མོ་བཞུགས་ཡཱ།

ཚོང་དཔོན་གསེར་རིའི་འགོ་ལ།

གསེར་མཚོ་སྒོར་མོ་ཁྱབ་ཡཱ།

གསེར་མཚོ་སྒོར་མོ་ནང་ལ།

གསེར་ཤིང་ལྗོན་ཆུང་འཁྲུངས་ཡཱ།

གསེར་ཤིང་ལྗོན་ཆུང་གི་འགོ་ལ།

གསེར་བྱ་མཛེས་པོ་ཆགས་ཡཱ།

གསེར་བྱ་མཛེས་པོ་ཆགས་ས།

ན་ནིང་ཨ་འཛོམས་འདྲ་ཞིག་བསམ་བྱུང་།

ན་ནིང་ཨ་འཕྲད་འདྲ་ཞིག་བསམ་བྱུང་།

ན་ནིང་མ་འཛོམས་མ་འཕྲད། 

ཨ་ལོ་ལས་ཀྱིས་འདྲ་ཞིག་འཛོམས་ཡཱ།

ཨ་ལོ་ལས་ཀྱིས་འདྲ་ཞིག་འཕྲད་ཡཱ།

འཛོམས་ས་འཕྲད་ས་གཉིས་ཀ

དགའ་བའི་ཞབས་བྲོ་རྒྱབ།

སྐྱིད་པའི་བྲོ་སྟབས་འགྲིག

ཚོང་དཔོན་དངུལ་རིའི་འགོ་ལ།

དངུལ་མཚོ་སྒོར་མོ་ཁྱབ་ཡཱ།

དངུལ་མཚོ་སྒོར་མོ་ནང་ལ།

དངུལ་ཤིང་ལྗོན་ཆུང་འཁྲུངས་ཡཱ།

དངུལ་ཤིང་ལྗོན་ཆུང་གི་འགོ་ལ།

དངུལ་བྱ་མཛེས་པོ་ཆགས་ཡཱ།

དངུལ་བྱ་མཛེས་པོ་ཆགས་ས།

ན་ནིང་ཨ་འཛོམས་འདྲ་ཞིག་བསམ་བྱུང་།

ན་ནིང་ཨ་འཕྲད་འདྲ་ཞིག་བསམ་བྱུང་།

ན་ནིང་མ་འཛོམས་མ་འཕྲད། 

ཨ་ལོ་ལས་ཀྱིས་འདྲ་ཞིག་འཛོམས་ཡཱ།

ཨ་ལོ་ལས་ཀྱིས་འདྲ་ཞིག་འཕྲད་ཡཱ།

འཛོམས་ས་འཕྲད་ས་གཉིས་ཀ

དགའ་བའི་ཞབས་བྲོ་རྒྱབ།

སྐྱིད་པའི་བྲོ་སྟབས་འགྲིག