བདེ་ཆེན་གྱི་སྣོན་ཟླའི་ཚེས་ལྔའི་དུས་ཆེན་གྱི་རྟ་རྒྱུག་འགྲན་བསྡུར།

རྩོམ་པ་པོ།   མི་གསལ།  ཡིག་བསྒྱུར།       དུས་ཚོད།   2018-05-27   རྩོམ་ཁུངས།    སེམས་ཀྱི་ཉི་ཟླའི་བོད་ཡིག་དྲ་བ།

        སྣོན་ཟླའི་ཚེས་ལྔའི་སེམས་ཀྱི་ཉི་ཟླའི་རྟ་རྒྱུག་འགྲན་བསྡུར་ནི་ལོ་གཅིག་གི་སྲོལ་རྒྱུན་དུས་ཆེན་གཙོ་བོ་ཞིག་ཡིན་ལ། ལོ་རྒྱུས་ཀྱི་དུས་ཡུན་ཆེས་རིང་བའི་སྲོལ་རྒྱུན་གྱི་འགྲན་བསྡུར་བྱེད་སྒོ་དང་མང་ཚོགས་ལ་ཆེས་དགའ་སྣང་ཡོད་སའི་སྣོན་ཟླའི་ཚེས་ལྔའི་དུས་ཆེན་གྱི་འགྲན་བསྡུར་རྣམ་གྲངས་ནི་སེམས་ཀྱི་ཉི་ཟླའི་ལོ་རྒྱུས་ཀྱི་དུས་ཡིན་རིང་བའི་མི་རིགས་རིག་གནས་རྒྱུད་འཛིན་དང་དར་སྤེལ་གྱི་གཞི་གཙོ་བོ་ཞིག་ཏུ་གྱུར་ཡོད་ལ།འདི་ནི་ཕྱོགས་ཡོངས་ནས་ཐུན་མོང་མ་ཡིན་པའི་ཡུལ་སྲོལ་གོམས་གཤིས་དང་རང་བྱུང་གི་མཛེས་ལྗོངས་མངོན་པར་བྱེད་པའི་སྟེགས་བུ་ཞིག་ཡིན་ལ། སེམས་ཀྱི་ཉི་ཟླའི་རིག་གནས་ཕུན་སུམ་ཚོགས་པར་བཏང་ཡོད་དེ། སེམས་ཀྱི་ཉི་ཟླའི་མིང་རྟགས་གྲགས་ཅན་སྲུང་སྐྱོབ་དང་མཐོ་རུ་བཏང་བའི་གལ་ཆེའི་ཟམ་ཆེན་ལྟ་བུ་ཡིན་པ་རེད།

        ཉེ་ཆར་གསར་འགོད་པས་ཁུན་མིང་ནས་འཚོགས་པའི་སེམས་ཀྱི་ཉི་ཟླའི་སྣོན་ཟླའི་ཚེས་ལྔའི་དུས་ཆེན་གྱི་རྟ་རྒྱུགས་འགྲན་བསྡུར་སྐོར་གྱི་གསར་འགྱུར་ཡོངས་བསྒྲགས་ཚོགས་འདུའི་སྟེང་རྒྱུས་ལོན་བྱུང་བ་ལྟར་ན།ད་ལོའི་རྟ་རྒྱུག་གཙོ་བྱས་པའི་བྱེད་སྒོ་སྣ་ཚོགས་ཟླ་6པའི་ཚེས་18ཉིན་ཚེས་20བར་སྤེལ་རྒྱུ་ཡིན་ལ།ལོ་རྒྱུན་དང་མི་འདྲ་ས་ཞིག་ནི་ད་ལོ་ལོ་སྔོན་མ་དག་ལ་ཡོད་པའི་རྟ་རྩལ་འགྲན་བསྡུར་དང་མི་སྒེར་གྱི་མདའ་རྩལ་འགྲན་བསྡུར།རྟ་ཆས་འགྲེལ་སྟོན་སོགས་ཀྱི་བྱེད་སྒོ་ཡོད་པ་མ་ཟད། སླར་ཡང་མགྲོན་བསུའི་དགོང་ཚོགས་དང་ཡིག་གཟུགས་བརྩམས་ཆོས་བཤམས་སྟོན།སྤོ་ལོ་འགྲན་བསྡུར་བཅས་ཁ་སྣོན་བྱས་ཡོད་དེ། ཁྱེད་ཀྱིས་ཐུན་མོང་མ་ཡིན་པའི་སྣོན་ཟླའི་ཚེས་ལྔའི་དུས་ཆེན་ཞིག་ལ་རོལ་ཐུབ་རྒྱུ་ཐེ་ཚོམ་མེད། 

        ན་ནིང་བསྡོམས་པས་མི་གྲངས་འབུམ་གཅིག་དང་ཁྲི་བདུན་བདེ་ཆེན་གྱི་རྟ་རྒྱུག་འགྲན་བསྡུར་དང་ཟས་རིགས་རོལ་མྱོང་བྱེད་སྒོར་ཡོང་ཞིང་།ཡུལ་སྐོར་ཡོང་འབབ་སྒོར་བྱེ་བ་བརྒྱད་དང་ས་ཡ་དྲུག་ལ་སླེབས་པ་རེད། ད་ལོའི་བྱེད་སྒོའི་གཞི་རྒྱ་སྔོན་དང་བསྡུར་ན་ཆེ་ལ་ནང་དོན་སྔོན་དང་བསྡུར་ན་ཕུན་སུམ་ཚོགས་པས་རྣམ་པ་ལྷན་རྒྱས་དུས་ལྟར་ཕེབས་པར་དགའ་བསུ་ཞུ།