སྐབས་གསུམ་པའི་རྒྱལ་ཡོངས་ཀུ་ཀུ་ཤ་མོའི་ཚོགས་ཆེན་བདེ་ཆེན་དུ་འཚོགས་རྒྱུ།

རྩོམ་པ་པོ།   སྒྲོལ་མ་གཡང་མཚོ།  ཡིག་བསྒྱུར།       དུས་ཚོད།   2018-03-05   རྩོམ་ཁུངས།    སེམས་ཀྱི་ཉི་ཟླའི་བོད་ཡིག་དྲ་བ།

       སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཀྲུང་གོའི་ཤ་མོའི་རིགས་ཀྱི་མཐུན་ཚོགས་དང་བདེ་ཆེན་བོད་རིགས་རང་སྐྱོང་ཁུལ་མི་དམངས་སྲིད་གཞུང་གིས་གཙོ་སྒྲུབ་བྱེད་པའི་སྐབས་གསུམ་པའི་རྒྱལ་ཡོངས་ཀུ་ཀུ་ཤ་མོའི་ཚོགས་ཆེན་ཟླ་3པའི་ཚེས་9ཉིན་བདེ་ཆེན་ཁུལ་དུ་འཚོགས་རྒྱུ་རེད།

       ཚོགས་ཆེན་དེའི་འཚོགས་ཡུན་ནི་ཟླ་3པའི་ཚེས་5ཉིན་ནས་ཚེས་11བར་ཡིན།དེའི་སྐབས་སུ་བདེ་ཆེན་སེམས་ཀྱི་ཉི་ཟླའི་བཟའ་ཆས་ཤ་མོའི་ལས་རིགས་ཐོན་ལས་མཐུན་ཚོགས་འཛུགས་པའི་གྲོས་ཚོགས་དང་ཀུ་ཀུ་ཤ་མོའི་སྐྱེ་དངོས་རིག་པ་དང་འདེབས་འཛུགས་ལག་རྩལ་ཀློག་པ་པོའི་སྤེལ་རེས་ཚོགས་འདུ།རྒྱལ་ཡོངས་ཀུ་ཀུ་ཤ་མོའི་འདེབས་འཛུགས་ལག་རྩལ་གྱི་མཐོ་རིམ་ཞིབ་འཇུག་ཟབ་སྦྱོང་འཛིན་གྲྭའི་སློབ་མའི་2018ལོའི་བགྲོ་གླིང་ཚོགས་འདུ།ཀུ་ཀུ་ཤ་མོའི་ཐོན་ལས་འཕེལ་རྒྱས་ཀྱི་མཐོ་རིམ་གླེང་སྟེབས།ཀུ་ཀུ་ཤ་མོའི་འདེབས་འཛུགས་ལག་རྩལ་གྱི་བགྲོ་གླེང་ཚོགས་འདུ།ཀུ་ཀུ་ཤ་མོའི་རིགས་ཀྱི་རྟགས་ཅན་འཐབ་ཇུས་དང་ཚོང་རའི་རྒོལ་ཐབས་བགྲོ་གླེང་སོགས་འཚོགས་རྒྱུ་ལས་གཞན།སེམས་ཀྱི་ཉི་ཟླ་གྲོང་ཁྱེར་བེ་ཤའི་ལྡུམ་ཁུལ་དང་སེམས་ཀྱི་ཉི་ཟླ་གྲོང་ཁྱེར་ཧྲན་ཅང་ཤང་ཀུ་ཀུ་ཤ་མོའི་འདེབས་འཛུགས་གནས་གཞིར་ལྟ་སྐོར་བྱེད་རྒྱུ།

       ཀུ་ཀུ་ཤ་མོ་ནི་རྩ་ཆེའི་བཟའ་ཆས་ཤ་མོའི་རིགས་ཤིག་ཡིན།སྤྲི་དཀར་དང་འཚོ་རྒྱུ་སོགས་བཅུད་སྣ་འཛོམས་ཏེ།ལུས་པོའི་རིམས་འགོག་ནུས་པ་ཇེ་དྲག་ཏུ་གཏོང་བ་དང་ངལ་དུབ་འགོག་པ།ནད་དུག་འགོག་པ་སོགས་ཀྱི་ནུས་པ་ཡོད་པ་རེད།