ལོ་གསར་གྱི་སྐབས་སུ་སེམས་ཀྱི་ཉི་ཟླའི་ལྗོངས་ཁུལ་གྱི་སྒོ་འཛིན་རིན་གོང་20％མར་དབབ་རྒྱུ་ཡིན་པ།།

རྩོམ་པ་པོ།   མི་གསལ།   ཡིག་བསྒྱུར།       དུས་ཚོད།   2018-02-12   རྩོམ་ཁུངས།    སེམས་ཀྱི་ཉི་ཟླའི་བོད་ཡིག་དྲ་བ།

        ལོ་གསར་གྱི་སྐབས་སུ་སེམས་ཀྱི་ཉི་ཟླ་གྲོང་ཁྱེར་གྱི་ལྗོངས་ཁུལ་སོ་སོས་སྒོ་འཛིན་རིན་གོང་20％མར་དབབ་རྒྱུའི་བྱེད་སྒོ་བསྡུས་པ་མ་ཟད།དུས་མཚུངས་སུ་ཡུལ་སྐོར་བ་སྣེ་ལེན་བྱེད་རྒྱུའི་གྲ་སྒྲིག་ལེགས་པོ་བྱེད་བཞིན་ཡོད། 

        རྒྱུས་ལོན་བྱུང་པ་ལྟར་ན། ཟླ་2པའི་ཚེས་15ནས་2པའི་ཚེ་21བར་དགའ་ལྡན་སུམ་རྩེན་གླིང་ལྗོངས་ཁུལ་གྱི་སྒོ་འཛིན་རིན་གོང་མི་རེར་སྒོར་115ནས་མི་རེར་སྒོར་99ལ་མར་ཕབ་ཡོད་ལ། བྱིས་པའི་སྒོ་འཛིན་རིན་གོང་དེ་མི་རེར་སྒོར་75ནས་67ལ་མར་ཕབ་ཡོད། དེའི་ཁྲོད་རླངས་འཁོར་གྱི་རིན་གོང་དང་སྣེ་ཤན་པའི་གླ་གཉིས་ལ་འགྱུར་ལྡོག་བཏང་མེད་པ་རེད།སྟག་མཆོང་གྲོག་རོང་ལྗོངས་ཁུལ་གྱི་མི་དར་མའི་སྒོ་འཛིན་རིན་གོང་དེ་མི་རེར་སྒོར་65ནས་མི་རེར་སྒོར་52ལ་མར་ཕབ་ཡོད། ཆུ་དཀར་ཆུ་ནག་ལྗོངས་ཁུལ་གྱི་མི་དར་མའི་སྒོ་འཛིན་རིན་གོང་དེ་མི་རེར་སྒོར་30ནས་མི་རེར་སྒོར་24ལ་མར་ཕབ་ཡོད། པོ་ཏ་མཚོ་རྒྱལ་ཁབ་སྤྱི་གླིང་གི་སྒོ་འཛིན་རིན་གོང་（ཁོར་སྲུང་རླངས་འཁོར་བླ་ཚུད）མི་རེར་སྒོར་130བཅས་བྱས་ཡོད་པ་རེད། 

        པོ་ཏ་མཚོ་རྒྱལ་ཁབ་སྤྱི་གླིང་གི་ཡུལ་སྐོར་ཞབས་ཞུ་པུའུ་ཡི་པུའུ་ཀྲང་གཞོན་པ་ལི་ཅིན་གྱིས་ལོ་གསར་ལ་ཉེ་བའི་སྐབས་འདིར་ང་ཚོས་བཞུད་ལམ་ཤར་གཏོང་དང་རླངས་འཁོར་གྱི་བཀོད་སྒྲིགལས་རེས་མི་སྣ་སོགས་ཀྱི་ཕྱོགས་ནས་སྒྲིག་བཀོད་འཐུས་ཚང་བྱས་ཡོད་དེ།སྤུས་ལེགས་ཀྱི་ཞབས་ཞུས་ཕྱོགས་ཀུན་ནས་ཡོང་པའི་མགྲོན་པོ་སྣེ་ལེན་བྱས་ནས།ཡུལ་སྐོར་བ་རྣམས་རེ་བས་ཁེངས་ནས་ཡོང་ལ་ཡིད་ཚིམས་པར་ཕྱིར་ལོག་ནས་སེམས་ཀྱི་ཉི་ཟླ་ནས་སྤྲོ་སྐྱིད་ལྡན་པའི་ལོ་གསར་བ་ཞིག་ལ་རོལ་ཐུབ་པ་བྱེད་རྒྱུ་ཁོ་ཐག་ཡིན་ཞེས་བཤད།

        པོ་ཏ་མཚོ་རྒྱལ་ཁབ་སྤྱི་གླིང་གི་ལས་བཟོ་བ་ཀྲང་ཅན་ཅུན་གྱིས་ལོ་གསར་གྱི་སྐབས་ལ་ང་ལས་རེས་པ་ཡིན་པས་བཟའ་མི་རྣམས་དང་མཉམ་དུ་ལོ་གསར་ལ་རོལ་ཐུབ་རྒྱུ་མ་རེད།འོན་ཀྱང་ངས་རང་ཉིད་ཀྱི་ལས་གནས་དམ་སྲུང་གིས་སྤྲོ་སེམས་ཁོལ་བའི་ངང་ནས་ཕྱོགས་ཀུན་ནས་ཕེབས་ཡོང་བའི་མགྲོན་པོར་ཞབས་ཞུ་མཁོ་འདོན་བྱས་ནས།ཁོ་ཚོར་ལོ་གསར་གྱི་སྐབས་ལ་སེམས་ཀྱི་ཉི་ཟླར་ཡོང་བ་ནི་ཆེས་ལེགས་པའི་གདམ་ག་ཞིག་རེད་འདོད་པའི་ཚོར་བ་ཞིག་ཡོད་པར་བྱེད་རྒྱུ་ཡིན་ཞེས་བཤད།

        ལོ་གསར་གྱི་སྐབས་ལ་ཡུལ་སྐོར་སྣེ་ལེན་གྱི་ལས་ཀ་ཡོད་ཚད་ལེགས་འགྲུབ་དང་གོ་རིམ་ལྡན་པ་ཞིག་ཡོང་ཆེད་སྟག་མཆོང་གྲོག་རོང་ལྗོངས་ཁུལ་གྱིས་སྒྲིག་བཀོད་ཚགས་དམ་དང་རྩ་འཛུགས་ཞིབ་ཚགས་ཀྱིས་“སྔོན་འགོག་གཙོ་བོ།བདེ་འཇགས་དང་བོ་”ཡི་ལམ་ཕྱོགས་ལྟར།ལྗོངས་ཁུལ་གྱི་ཕྱོགས་སོ་སོའི་མངོན་མེད་ནང་རྐྱེན་ལ་ཞིབ་བཤེར་བྱས་ཤིང་།སྒྲིག་བཀོད་སྒྲིག་ཆས་དང་ལྗོངས་ཁུལ་གྱི་གཞུང་ལམ། ལྗོངས་གཟིགས་བརྒྱུད་ལམ།ལྗོངས་གཟིགས་སྟེགས་བུ་བཅས་ལ་བདེ་འཇགས་ཐད་ཡོད་པའི་མངོན་མེད་རྐྱེན་ངན་ལེགས་སྒྲིག་བྱས་པ་རེད། 



分享到：QQ空间新浪微博腾讯微博人人网微信