ཁམས་པའི་བརྙན་འཕྲིན་ཁང་གི་2018ལོའི་བོད་ཀྱི་ལོ་གསར་དགོང་ཚོགས།

རྩོམ་པ་པོ།   མི་གསལ།དུས་ཚོད།   2018-01-30   རྩོམ་ཁུངས།    མི་དམངས་དྲ་བ།


      ཁམས་པའི་བརྙན་འཕྲིན་ཁང་གིས་2018ལོའི་བོད་ཀྱི་ལོ་གསར་དགོང་ཚོགས་སྒྲིག་བཟོ་དངོས་སུ་མཇུག་སྒྲིལ་བ་དང་།ཟླ་2ཚེས་16ཉིན་(བོད་ཀྱི་ལོ་གསར་ཚེས་1ཉིན་)སྔ་དྲོ་ཆུ་ཚོད་9པའི་ཐོག་བསྟན་རྒྱུ་ཡིན་ཞིང་།ད་ལོའི་ལེ་ཚན་ནི་ངོ་མཚར་ཧ་ཅང་ཆེན་པོ་ཡོད་པ་རེད།


      ད་ལོའི་དགོང་ཚོགས་ནི་ཁམས་པའི་བརྙན་འཕྲིན་ཁང་དང་བོད་ལྗོངས་ནག་ཆུ་ས་ཁུལ་གཉིས་ཀྱིས་མཉམ་དུ་གཙོ་སྒྲུབ་གནང་རྒྱུ་དང་།ནག་ཆུའི་འཁྲབ་སྟོན་ཚོགས་པས་བོད་བྱང་ཐང་གི་གླུ་གར་འཁྲབ་སྟོན་བྱེད་རྒྱུ་ཡིན་པ།དེའི་ཁྲོད་དུ་ནག་ཆུ་སོག་རྫོང་གི་བོད་རང་སྐྱོང་ལྗོངས་ཀྱི་མངོན་མིན་རིག་གནས་ཤུལ་བཞག་རྒྱུད་འཛིན་པ་དགུང་ལོ་80རུ་སོན་པའི་བགྲེས་སོང་བསོད་ནམས་དང་བྱིས་པ་ཚོས་མཉམ་དུ་སོག་རྫོང་གི་ཞོལ་རས་པ་འཁྲབ་སྟོན་བྱ་རྒྱུ་དང་།ལོ་ཆེ་ཆུང་གི་ཁྱད་པར་ཆེ་བའི་ལེ་ཚན་འདི་ཡིས།མི་ཚོར་མངོན་མིན་རིག་གནས་ཤུལ་བཞག་ཞོལ་རས་པའི་མཛེས་སྡུག་མྱོང་དུ་འཇུག་ལ།རིག་གནས་ཤུལ་བཞག་གི་ནུས་པའང་བརྒྱུད་སྤེལ་བྱེད་ཐུབ་པ་རེད།


དེ་ཡང་ལོ་རེའི་དགོང་ཚོགས་སུ་ཚང་མས་དོ་སྣང་ཆེ་ཤོས་བྱེད་ས་ནི་གླུ་པ་དང་གླུ་མ་སུ་ཡོང་གི་ཡོད་པ་དེ་རེད།ད་ལོའི་དགོང་ཚོགས་སུ་གླུ་པ་གླུ་མ་མང་པོ་འདུས་ཡོད་པ་རེད།ཡ་དུང་དང་འཇམ་དབྱངས་སྒྲོལ་མ།ཨ་ལན་ཟླ་བ་སྒྲོལ་མ།ཤེར་བསྟན། ཚེ་དབང་ལྷ་མོ། འཕྲིན་ལས་རྒྱ་མཚོ། བསྟན་ཆོས་ཨ་D ནོར་བུ་བསམ་འགྲུབ། དཔལ་ཆེན་དབང་རྒྱལ་སོགས་གླུ་པ་གླུ་མ་གྲགས་ཅན་ཡོད་པ་རེད།