འཇོལ་རྫོང་གིས་ཟོག་དངོས་བརྗེ་རེས་ཚོགས་འདུ་བསྡུས།

རྩོམ་པ་པོ།   མི་གསལ།  ཡིག་བསྒྱུར།       དུས་ཚོད།   2017-12-25   རྩོམ་ཁུངས།    སེམས་ཀྱི་ཉི་ཟླའི་བོད་ཡིག་དྲ་བ།

   




    ཟོག་དངོས་བརྗེ་རེས་ཚོགས་འདུར་དམངས་ཁྲོད་ལག་རྩལ་པས་བཟོས་པའི་པི་ཝང་དང་མདའ་གཞུ་སོགས་ཁྱེར་བ་དང་།གྲོང་སྡེ་དང་ཚོ་ཆུང་།མཉམ་ལས་ཁང་སོ་སོས་སྦྲང་རྩི་དང་རྒུན་ཆང་ལ་སོགས་པའི་ཁྱད་ལྡན་ཐོན་རྫས་ཁྱེར་ནས་ཟོག་དངོས་བརྗེ་རེས་ཚོགས་འདུའི་ཚོགས་རར་ཚོང་བཤམས་བྱས།




    ཁྲོམ་ལམ་ཐོག་གི་ས་གནས་ཀྱི་ཁྱད་ལྡན་ཐོན་རྫས་བཤམས་སའི་སྔོན་དུ་ཉོ་མཁན་རྣམས་ཀྱིས་རང་ཉིད་ཡིད་སྨོན་པའི་ཚོང་ཟོག་བདམས་པ།


    རི་སྐྱེས་སྦྲང་རྩི་བཙོང་བའི་ཧོར་གྲོང་སྡེའི་ཨུ་ལྷན་གྱི་ལས་བྱེད་པ་ཟླ་བ་ཕུན་ཚོགས་ཀྱིས་ངོ་སྤྲོད་བྱས་པར་ལྟར་ན།ཐེངས་འདིའི་བྱེད་སྒོ་སྤེལ་བ་བརྒྱུད་ནས་ས་གནས་དེ་གའི་དཔལ་འབྱོར་དར་འཕེལ་ལ་སྐུལ་འདེད་གཏོང་སྟེ་གྲོང་སྡེའི་ཞིང་ལས་ཐོན་རྫས་འཚོང་བར་སྟེགས་བུ་ཡག་པོ་འདོན་ཏེ་ཐོན་རྫས་ཁྱབ་གདལ་གཏོང་ཐུབ་པ་རེད། 


    པི་ཝང་བཤམས་པའི་ཚོང་པ་ཞིག་གིས་ཡུལ་དངོས་སུ་མི་རྣམས་ལ་པི་ཝང་བཟོ་བའི་ལག་རྩལ་ངོ་སྤྲོད་བྱས།  ཁོང་གིས་བཤད་དོན།  བྱེད་སྒོ་འདི་ལྟར་སྤེལ་བ་བརྒྱུད་ནས་མང་ཚོགས་ལ་རང་ཉིད་ཀྱི་ཟོག་དངོས་ཕྱིར་འཚོང་པའི་གོ་སྐབས་ཡག་པོ་འདོན་ཡོད།




    ཐེངས་འདིའི་ཟོག་དངོས་བརྗེ་རེས་ཚོགས་འདུའི་ཐོག མི་རིགས་མཐུན་སྒྲིལ་གྱི་དཔེ་སྟོན་ཚོ་ཆུང་དང་མི་རིགས་མཐུན་སྒྲིལ་གྱི་དཔེ་སྟོན་དུད་ཚང་།  མིག་དཔེ་ཅན་གྱི་མི་རིགས་མཐུན་སྒྲིལ་ལས་བྱེད་པ་རྒན་པ་ལ་གཟེངས་བསྟོད་བྱས་ནས།  རྒྱ་ཆེ་བའི་མང་ཚོགས་རྣམས་ལ་ཁྱིམ་མཚེས་བར་འཆམ་མཐུན་མཉམ་གནས་དང་མཐུན་སྒྲིལ་རོགས་རེས་བྱས་ནས་སྤྱི་ཚོགས་འཆམ་མཐུན་སྐུལ་འདེད་གཏོང་བ་ཁྲིད་སྟོན་བྱས།


    ད་དུང་ལག་རྩེད་སྤོ་ལོ་འགྲན་བསྡུར་དང་ཐག་འཐེན་འགྲན་བསྡུར།  རིག་རྩལ་འཁྲབ་སྟོན་སོགས་བསྡུས་པ་བརྒྱུད་ནས་གོམ་གང་མདུན་སྤོས་ཀྱིས་མི་རིགས་རིག་གནས་དར་རྒྱས་དང་། མང་ཚོགས་ཀྱི་འཚོ་བ་ཕུན་སུམ་ཚོགས་པོར་འགྱུར་དུ་བཅུག