བོད་ལྗོངས་སུ་རིག་དངོས་སྲུང་སྐྱོབ་ཚན་པ་ཁག་225མང་དུ་ཕྱིན་པ།

རྩོམ་པ་པོ།   མི་གསལ།  ཡིག་བསྒྱུར།       དུས་ཚོད།   2017-11-16   རྩོམ་ཁུངས།    མི་དམངས་དྲ་བ།

བོད་ལྗོངས་ཚོང་འཕྲིན་ཚགས་པར་ཐོག་གནས་ཚུལ་སྤེལ་བ་གཞིར་བཟུང་།བོད་རང་སྐྱོང་ལྗོངས་མི་དམངས་སྲིད་གཞུང་གི་རྒྱུན་ལས་ཚོགས་འདུ་ཐེངས་85པའི་ཐོག་ཞིབ་འཇུག་བྱས་པ་བརྒྱུད།ཉེ་ཆར་བོད་རང་སྐྱོང་ལྗོངས་སྲིད་གཞུང་གིས་ཁག་བདུན་པའི་བོད་རང་སྐྱོང་ལྗོངས་ཀྱི་རིག་དངོས་སྲུང་སྐྱོབ་ཚན་པ་ཁག་225ཁྱབ་བསྒྲགས་བྱས་པ་རེད།

    བོད་རང་སྐྱོང་ལྗོངས་ས་རྒྱ་ཆེ་ཞིང་ལོ་རྒྱུས་ཡུན་རིང་ལྡན་པས་རིག་དངོས་ཕུན་སུམ་ཚོགས་པོ་ཡོད།ལོ་རྒྱུས་ཀྱི་འཕེལ་རིམ་ཁྲོད་ཉེ་འཁོར་ས་ཁུལ་གྱི་མི་རིགས་ཁག་དང་སྤེལ་རེས་དང་།འགྲོ་འོང་།འབྲེལ་འདྲིས་བཅས་ཟབ་པ་དང་ཕུལ་བྱུང་གི་རིག་གནས་བསྡུ་ལེན་དང་དཔྱད་གཞིར་འཛིན་པའི་རྨང་གཞིའི་ཐོག་ཁྱད་དུ་འཕགས་ཤིང་སྣ་མང་ཕུན་སུམ་ཚོགས་པའི་ས་ཁོངས་རང་བཞིན་གྱི་མི་རིགས་རིག་གནས་བཏོད་ནས་རྗེས་རབས་པ་ཚོར་རྩ་ཆེ་བའི་ལོ་རྒྱུས་དང་།རིག་གནས།སྒྱུ་རྩལ།ཚན་རིག་བཅས་ཀྱི་རིན་ཐང་ལྡན་པའི་རིག་དངོས་ཀྱི་གནའ་ཤུལ་མང་པོ་བཞག་ཡོད།ད་ཆ་བོད་འདི་ཉིད་རང་རྒྱལ་གྱི་རིག་དངོས་ཁུལ་ཆེན་གལ་ཆེན་གྲས་ཤིག་ཏུ་གྱུར་ཡོད།རིག་དངོས་གནས་ཡུལ་དེ་དག་ནི་མེས་རྒྱལ་གཅིག་གྱུར་སྲུང་སྐྱོང་དང་།མི་རིགས་མཐུན་སྒྲིལ་ལ་ཤུགས་སྣོན།ཏང་དང་མི་དམངས་དམག་དཔུང་གིས་བོད་ལྗོངས་འཛུགས་སྐྲུན་བཅས་བྱས་པའི་དཔང་པོ་གལ་ཆེན་ཞིག་རེད།

ཤེས་རྟོགས་བྱུང་བར་གཞིགས་ན།གསར་དུ་ཁྱབ་བསྒྲགས་བྱས་པའི་བོད་རང་སྐྱོང་ལྗོངས་རིག་དངོས་སྲུང་སྐྱོབ་ཚན་པ་ཁག་225དེ་དག་ནི་བོད་རང་སྐྱོང་ལྗོངས་ཀྱི་ལོ་རྒྱུས་དང་རིག་གནས་ཤུལ་བཞག་ནང་ལོ་རྒྱུས་དང་།ཚན་རིགསྒྱུ་རྩལ།རིག་གནས་བཅས་ཀྱི་རིན་ཐང་ཆེ་ཙམ་ལྡན་པའི་ཤུལ་བཞག་ཡིན་ཞིང་།དེའི་ནང་གནའ་ཤུལ་ཁག་20དང་། གནའ་བོའི་བང་སོ་ཁག་14 བྲག་ཕུག་ལྷ་ཁང་དང་རྡོ་བརྐོས་ཁག་20ཉེ་རབས་ཀྱི་ལོ་རྒྱུས་གནའ་ཤུལ་གལ་ཆེན་དང་དཔེ་མཚོན་རང་བཞིན་གྱི་སྐྲུན་དངོས་ཁག་12ལྗོངས་ཡོངས་ཀྱི་གྲོང་ཁྱེར་དང་ས་ཁུལ་བདུན་གྱི་རྫོང(ཆུས)62དང་འབྲེལ་བའི་གནའ་ཤུལ་བཅས་ཚུད་ཡོད།བསྐྲུན་པའི་ལོ་རབས་སྔ་ཤོས་ནི་རྡོ་ཆས་དུས་རབས་གསར་པའི་སྐབས་ཡིན་པ་དང་ལོ་རབས་ཉེ་ཤོས་སུའང་ལོ་60ལྷག་ཙམ་གྱི་ལོ་རྒྱུས་ལྡན་ཡོད།

མིག་སྔར་རང་སྐྱོང་ལྗོངས་སྲིད་གཞུང་གི་བཀོད་སྒྲིག་བླང་བྱ་གཞིར་བཟུང་།རང་སྐྱོང་ལྗོངས་རིག་དངོས་ཅུས་ཀྱིས་གྲོང་ཁྱེར་དང་ས་ཁུལ་གྱི་རིག་དངོས་སྡེ་ཚན་ཁག་ལ་བརྡ་ཐོ་བཏང་ནས་གསར་དུ་ཁྱབ་བསྒྲགས་བྱས་པའི་རིག་དངོས་སྲུང་སྐྱོབ་ཚན་པའི་ཡིག་ཚགས་བཟོ་བ་དངཡོད་པ་བཞིའིའཛུགས་སྐྲུན་ལས་དོན་བཀོད་སྒྲིག་བྱས་པ་རེད།

བསྡོམས་རྩིས་བྱས་པར་གཞིགས་ན།མིག་སྔའི་བར་བོད་རང་སྐྱོང་ལྗོངས་སུ་འཛམ་གླིང་གི་རིག་གནས་ཤུལ་བཞག་ཁག་1གི་གནས་3དང་།རྒྱལ་ཁབ་ཀྱི་རིག་དངོས་སྲུང་སྐྱོབ་ཚན་པ་ཁག་55རང་སྐྱོང་ལྗོངས་ཀྱི་རིག་དངོས་སྲུང་སྐྱོབ་ཚན་པ་ཁག་616རྫོང་རིམ་པའི་རིག་དངོས་སྲུང་སྐྱོབ་ཚན་པ་ཁག་753བཅས་ཡོད།