རྩོམ་པ་པོ།   བསོད་ནམས་ནོར་བུ།  ཡིག་བསྒྱུར།       དུས་ཚོད།   2017-10-25   རྩོམ་ཁུངས།    སེམས་ཀྱི་ཉི་ཟླའི་བོད་ཡིག་དྲ་བ།
འཆམ་རོགས་དགོངས་པ་མ་ཚོམ།།
ཉི་མ་ཤར་གྱི་ཕྱོགས་ལ།།
ཆོས་ཀྱི་རྒྱལ་མཚན་སླེབས་བྱུང་།།
རྒྱལ་མཚན་གསེར་གྱི་ནོར་བུ།།
ཡུལ་ཕྱོགས་ས་ལ་བྱོན་བྱུང་།།
ལ་ཆེན་ལ་ཆུང་བརྒྱབ་ཅིང་།།
སྡུག་ཅིག་དཀའ་ལས་ཨེ་བྱུང་།།
ཆུ་ཆེན་ཆུ་ཆུང་གཏུབས་ཤིང་།།
སྡུག་ཅིག་དཀའ་ལས་ཨེ་བྱུང་།།
རྟ་ཞིག་འདོ་ལུ་འཁྲིད་ཏེ།།
ཡར་ཞིག་བསུ་ཡང་མ་ལྕོགས༎
ཆང་ཞིག་སྐྱེམས་པ་འཁྱེར་ཏེ།།
ཡར་ལ་བསུ་ཡང་མ་ལྕོགས༎
ཨ་ཤེས་ཁ་བཏགས་ཁྱེར་ཏེ།།
ཡར་ལ་བསུ་ཡང་མ་ལྕོགས༎
གནས་ཆེན་ཁ་བ་དཀར་པོ།།
གནས་སྐོར་རྒྱང་ཞིག་རིང་བྱུང་༎
ང་ནི་ཕྱི་སྐོར་མགྲོ་ཡིན༎
འཛོམ་འོང་བསམ་པ་མ་བྱུང་༎
ཡར་ལ་བསུ་ཡང་མ་ལྕོགས༎
འཆམ་རོགས་དགོངས་པ་མ་ཚོམ།།
བདེ་སྐྱིད་ཕུན་སུམ་ཚོགས་བྱུང་།།
སྒང་རི་སྒང་ལ་འོང་ཡིན།།
ལྷ་བསང་བཏང་སྟེ་འོང་ཡིན།།
ལྷ་བསང་དཀར་པོ་བཏང་སྟེ།།
དཀོན་མཆོག་ལྷ་ལ་འབུལ་ཡིན།།
ཡར་ལ་ལྷ་བསང་འབུལ་ཡོད།།
མར་ལ་སྦྲང་ཆར་གནང་བྱུང་།།
སྦྲང་ཆར་མར་མར་འབབ་བྱུང་།།
བདེ་སྐྱིད་ཕུན་སུམ་ཚོགས་བྱུང་།།
ཡར་འགྲོ་ཡར་འགྲོ་ཡར་འགྲོ།
ཡར་འགྲོ་ཡར་འགྲོ་ཡར་འགྲོ།
གཙང་པོའི་ཆུ་ལ་ཡར་འགྲོ།
གཙང་པོའི་ཆུ་ཡི་འགོ་ལ།།
སྟག་ལྤགས་གདན་ཞིག་རྒྱག་སྣང་།།
སྟག་ལྤགས་གདན་ཐོག་སྟེང་ལ།།
བླ་མ་བཟང་པོ་བཞུགས་སྣང་།།
ཡར་ལ་མཆོད་པ་འབུལ་ཡིན།།
མར་ལ་དངོས་འགྲུབ་གནང་བྱུང་།།
ཡར་འགྲོ་ཡར་འགྲོ་ཡར་འགྲོ།
གཙང་པོའི་ཆུ་ལ་ཡར་འགྲོ།
གཙང་པོའི་ཆུ་ཡི་སྐེད་ལ།།
གཟིག་ལྤགས་གདན་ཞིག་རྒྱག་སྣང་།།
གཟིག་ལྤགས་གདན་ཐོག་སྟེང་ལ།།
དཔོན་པོ་བཟང་པོ་བཞུགས་སྣང་།།
ཡར་ལ་མཆོད་པ་འབུལ་ཡིན།།
མར་ལ་བཀའ་ཁྲིམས་གནང་བྱུང་།།
ཡར་འགྲོ་ཡར་འགྲོ་ཡར་འགྲོ།
གཙང་པོའི་ཆུ་ལ་ཡར་འགྲོ།
གཙང་པོའི་ཆུ་ཡི་མདའ་ལ།།
ཝ་ལྤགས་གདན་ཞིག་རྒྱག་སྣང་།།
ཝ་ལྤགས་གདན་ཐོག་སྟེང་ལ།།
འཆམ་རོགས་བཟང་པོ་བཞུགས་སྣང་།།
ཡར་ལ་གླུ་དབྱངས་ལེན་ཡིན།།
མར་ལ་གསུང་སྐད་གྲག་བྱུང་།།
ཆོས་ཀྱི་བསྟན་པ་དར་བྱུང་།།
ཡར་འགྲོ་ཡར་འགྲོ་ཡར་འགྲོ།
རྒྱ་གར་ཕྱོགས་ལ་ཡར་འགྲོ།
རྒྱ་གར་གཙང་ཕྱོགས་རྡོ་རྗེ༎
འཇལ་ཁ་ཨེ་ཐུབ་བལྟ་འགྲོ།
ཆོས་ཀྱི་ཆོས་ལུགས་ཡག་དྲགས༎
ཆོས་ཀྱི་བསྟན་པ་དར་བྱུང་༎
ཡར་འགྲོ་ཡར་འགྲོ་ཡར་འགྲོ།
ལྷ་སའི་ཕྱོགས་ལ་ཡར་འགྲོ།
ལྷ་སའི་ཇོ་བོ་རང་བྱུང་༎
འཇལ་ཁ་ཨེ་ཐུབ་བལྟ་འགྲོ།
ཆོས་ཀྱི་ཆོས་ལུགས་ཡག་དྲགས༎
ཆོས་ཀྱི་བསྟན་པ་དར་བྱུང་༎
ཡར་འགྲོ་ཡར་འགྲོ་ཡར་འགྲོ།
རྒྱ་ནག་ཕྱོགས་ལ་ཡར་འགྲོ།
རྒྱ་ནག་རི་བོ་རྩེ་ལྔ༎
འཇལ་ཁ་ཨེ་ཐུབ་བལྟ་འགྲོ།
ཆོས་ཀྱི་ཆོས་ལུགས་ཡག་དྲགས༎
ཆོས་ཀྱི་བསྟན་པ་དར་བྱུང་༎
ཡར་འགྲོ་ཡར་འགྲོ་ཡར་འགྲོ།
རང་ཡུལ་ཕྱོགས་ལ་ཡར་འགྲོ།
གནས་ཆེན་ཁ་བ་དཀར་པོ༎
འཇལ་ཁ་ཨེ་ཐུབ་བལྟ་འགྲོ།
ཆོས་ཀྱི་ཆོས་ལུགས་ཡག་དྲགས༎
ཆོས་ཀྱི་བསྟན་པ་དར་བྱུང་༎