བདེ་ཆེན་ཁུལ་གྱིས་ཐེངས་དང་པོའི་བཀྲ་ཤིས་པའི་བདེ་ཆེན་ཞེས་པའི་གླུ་གར་དགོང་ཚོགས་བསྡུས་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་9པའི་ཚེས་12ཉིན་ཆུ་ཚོད་20པར།བདེ་ཆེན་ཁུལ་གྱིས་སེམས་ཀྱི་ཉི་ཟླའི་ཟློས་གར་ཁང་དུ་ཐེངས་དང་པོའི་བཀྲ་ཤིས་པའི་བདེ་ཆེན་ཞེས་པའི་གླུ་གར་དགོང་ཚོགས་བསྡུས་པ།དགོང་ཚོགས་ཀྱི་ནང་དོན་ནི་གླེང་གཞི་སྟེ་བཀྲ་ཤིས་པའི་མགྲོན་པོ་བསུ་བ་དང་ལེའུ་དང་པོ་བཀྲ་ཤིས་པའི་དྲན་ཤེས།ལེའུ་གཉིས་པ་བཀྲ་ཤིས་པའི་སྐད་ཆ་རྙོག་པོ།ལེའུ་གསུམ་པ་བཀྲ་ཤིས་པའི་ལྷུག་གླེང་།མཇུག་སྒྲིལ་བཀྲ་ཤིས་པའི་བདེ་ཆེན་བཅས་ཀྱིས་གྲུབ་པ་རེད།

དགོང་ཚོགས་དེ་བཀྲ་ཤིས་པའི་མགྲོན་པོ་བསུ་བ་ཞེས་པའི་གླུ་དབྱངས་ཀྱི་ཁྲོད་དུ་འགོ་ཚུགས་པ།

ལེའུ་དང་པོ་རེ་སྒུག་ཅེས་པའི་ཞབས་བྲོ་འཁྲབ་པ།

གྱང་རྡུང་བའི་ཞབས་བྲོ་འཁྲབ་པ།

ཉ་ཆུའི་བརྩེ་དུང་ཞེས་པའི་ཞབས་བྲོ་འཁྲབ་པ།

ལེའུ་གཉིས་པ།བྱིས་པ་ཚོས་རོགས་ཟླ་ཞེས་པའི་གླུ་དབྱངས་མཉམ་ལེན་བྱས་པ།

སེམས་ཀྱི་ཉི་ཟླའི་སྡེ་ཚན་གྱིས་ཟླ་འོད་འོག་གི་མཚན་མོ་ཞེས་པའི་གླུ་དབྱངས་ལེན་པ།

ལེའུ་གསུམ་པ་འཇང་རིགས་ཀྱི་དགའ་གླུ་ཞེས་པའི་མཉམ་བྲོ་འཁྲབ་པ།

གངས་རིའི་བུ་ཕྲུག་གིས་གངས་ལྗོངས་ཀྱི་ལྷ་ཡུལ་ཞེས་པའི་གླུ་དབྱངས་ལེན་པ།

བདེ་སྐྱིད་ཀྱི་ལི་སུའུ་མིང་སྲིང་ཞེས་པའི་མཉམ་བྲོ་འཁྲབ་པ།

དབྱིས་རིགས་ཀྱི་བག་མ་ཞེས་པའི་མཉམ་བྲོ་འཁྲབ་པ།

མཐོ་སྒང་ནས་བྲོ་འཁྲབ་པ་ཞེས་པའི་མཉམ་བྲོ་འཁྲབ་པ།

    རྒྱལ་ཁབ་མི་རིགས་དོན་གཅོད་ཨུ་ལྷན་གྱི་ཆེད་གཉེར་ཨུ་ཡོན།ཀྲུང་དབྱང་མི་རིགས་སློབ་ཆེན་གྱི་ཏང་ཨུའི་ཧྲུའུ་ཅི་ཀྲང་ཅིན་ཙེ་ཡིས་ཚོགས་གཙོ་གནང་བ་དང་།རྒྱལ་ཡོངས་དམངས་ཆེན་མི་རིགས་དོན་གཅོད་ཨུ་ལྷན་བརྟག་ཞིབ་ཁང་གི་ཀྲུའུ་རེན་ཕེང་ཅན་ཧྭ་དང་།ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་ཅུས་བདུན་པའི་ཅུས་ཀྲང་གཞོན་པ་ཀྲང་ལི་ཧྥང་གིས་ཚོགས་གཙོ་གཞོན་པ་གནང་བ།རྒྱལ་ཁབ་མི་རིགས་དོན་གཅོད་ཨུ་ལྷན་གཞུང་ལས་ཐིང་གི་སྐོར་ཞིབ་པ་གཞོན་པ་དབྱང་ཡུང་ཧྥང་གིས་དྲུང་ཡིག་ཆེན་མོ་གནང་བའི་ཀྲུང་དབྱང་འབྲེལ་ཡོད་སྡེ་ཁག་གི་རྟེན་འབྲེལ་ཚོགས་པ་དང་།ཞིང་ཨུའི་ཧྲུའུ་ཅི་གཞོན་པ་ལི་ཞིའུ་ལིན་གྱིས་ཚོགས་གཙོ་གནང་བ་དང་།ཞིང་ཆེན་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ་ཝང་ཧྲུའུ་ཧྥུན་དང་།ཞིང་ཆེན་སྲིད་གཞུང་གི་འགོ་འཛིན་གཞོན་པ་ཧོ་ཅིན་ཕིང་།ཞིང་ཆེན་དམག་ཁུལ་ཁང་གི་དམག་སྤྱི་གཞོན་པ་ལུའེ་མེ་ཀྲང་བཅས་ཀྱིས་ཚོགས་གཙོ་གཞོན་པ་གནང་བ།ཞིང་ཆེན་མི་རིགས་ཆོས་ལུགས་ལས་དོན་ཨུ་ལྷན་གྱི་ཀྲུའུ་རེན་ལི་སི་མིང་གིས་དྲུང་ཡིག་ཆེན་མོ་གནང་བའི་ཞིང་ཆེན་རྟེན་འབྲེལ་ཚོགས་པ།རང་ཁུལ་གྱི་འགོ་ཁྲིད་ཀུའུ་ཁུན་དང་།ཆི་ཅན་ཞིན།ཁྲ་ཀྲུང་ཝང་སོགས་དང་།རང་ཁུལ་གྱི་དེ་སྔའི་ཁུལ་ཨུ་དང་ཁུལ་དམངས་ཆེན།ཁུལ་སྲིད་གཞུང་།ཁུལ་སྲིད་གྲོས་བཅས་ཀྱི་འགོ་ཁྲིད།མཛའ་མཐུན་ཆེ་ལ་ཉེ་འཁོར་དུ་ཡོད་པའི་རྫོང་དང་གྲོང་ཁྱེར་གྱི་འཐུས་མི་འཁྲབ་སྟོན་གྱི་ཡུལ་དངོས་སུ་ལྟད་མོ་བལྟས་པ་རེད།