རང་ཁུལ་གྱིས་2015ལོར་ཐོན་ཚད་དམའ་འབྲིང་གི་ཞིང་ཁ་མུའུ་ཁྲི་6 ལེགས་བཅོས་བྱས་པ།

རྩོམ་པ་པོ།   མི་གསལ།  ཡིག་བསྒྱུར།       དུས་ཚོད།   2017-04-12   རྩོམ་ཁུངས།    སེམས་ཀྱི་ཉི་ཟླའི་བོད་ཡིག་དྲ་བ།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  འདི་ག་ཚགས་པར་ཁང་དུ་གནས་ཚུལ་འབྱོར་གསལ། 2015་ལོའི་ཚུན་དུ།རང་ཁུལ་གྱིས་ཞིང་ལས་ཀྱི་ཕན་ནུས་དང་ཞིང་པའི་ཡོང་སྒོ་འཕར་བའི་དམིགས་འབེན་དང་། ཀྲུང་དབྱང་དང་ཞིང་ཆེན་གྱིས་ཞིང་ཁའི་ཆུ་བེད་འཛུགས་སྐྲུན་རྣམ་གྲངས་ལ་མ་དངུལ་འཇོག་ཤུགས་ཆེ་རུ་གཏོང་བའི་གོ་སྐབས་དམ་འཛིན་བྱས་ནས།ཧུར་ཐག་གིས་ཐོན་ཚད་དམའ་འབྲིང་གི་ཞིང་ཁ་ལེགས་བཅོས་བྱེད་པར་སྐུལ་འདེད་བཏང་བ།

       2015ལོར། ཁུལ་ཡོངས་ཀྱིས་ཐོན་ཚད་དམའ་འབྲིང་གི་ཞིང་ཁ་མུའུ་ཁྲི་6 ལེགས་བཅོས་བྱས་ཏེ།དངུལ་འཇོག་སྒོར་ཁྲི་11350.1གྲུབ་པ། དེའི་ནང་ཞིང་ཆེན་ཡན་གྱི་དངུལ་འཇོག་སྒོར་ཁྲི་11169.6གྲུབ་པ་དང་།མང་ཚོགས་ཀྱི་འོས་འགན་ངལ་རྩོལ་གྱི་ཕབ་རྩིས་དངུལ་གྲངས་སྒོར་ཁྲི་180.5ཡོད། རྣམ་པ་ཆུང་གྲས་ཀྱི་ཆུ་བེད་ལས་གྲྭ་344དང་ཞིང་ཁའི་ཆུ་ཡུར་སྤྱི་ལེ་137.66དང་། མདོང་དྲ་སྤྱི་ལེ་128.64དང་།ཞིང་ཁའི་འཕྲུལ་རྨོའི་ལམ་སྤྱི་ལེ་104.68བཅས་ལེགས་བཅོས་བྱས་པ་དང་།རི་ཞིང་མུའུ་0.03སྐས་ཞིང་དུ་བསྒྱུར་བ། ས་ཆ་མུའུ་ཁྲི་2.35 ཁོད་སྙོམས་བཟོས་པ། སྐྱེ་དངོས་ཀྱི་ཞིང་རྩལ་བྱ་ཐབས་མུའུ་ཁྲི་0.78ལག་ལེན་བྱས་པ།རྨོ་ཞིང་མུའུ་ 2032གསར་སྣོན་བརྒྱབ་ཡོད། འདི་ནི་རང་ཁུལ་གྱིས་ཐོན་ཚད་དམའ་འབྲིང་ཞིང་ཁ་ལེགས་བཅོས་བྱེད་པའི་ཚུན་དུ།འཇོག་ཚད་ཆེས་མང་བ་དང་ལེགས་བཅོས་རྒྱ་ཁྱོན་ཆེས་ཆེ་བའི་ལོ་ཞིག་རེད།

        རྣམ་གྲངས་ལག་ལེན་བྱས་ནས། རྣམ་གྲངས་ཁུལ་གྱི་ཞིང་པའི་ཐོན་སྐྱེད་འཚོ་བའི་ཆ་རྐྱེན་ལེགས་སུ་གཏོང་ཐུབ་སྟེ།རྣམ་གྲངས་ཁུལ་གྱི་ཆུ་འདྲེན་ལ་གནད་དོན་ཡོད་པའི་དཀའ་ངལ་ཐག་གཅོད་བྱེད་པ་དང་ཞིང་ལས་ཀྱི་ཕན་ནུས་མཐོ་རུ་འཕར་ཐུབ་པ།སྔར་ལས་ལྷག་པར་ཞིང་ཁའི་ཕྱོགས་བསྡུས་ཐོན་ཚད་ཆུ་ཚད་དང་གནོད་འགོག་ནུས་ཤུགས་མཐོ་རུ་གཏོང་ཞིང་།ཞིང་ལས་དང་ཞིང་གྲོང་གི་དཔལ་འབྱོར་རྒྱུན་མཐུད་དང་བརྟན་སྲུང་། མཐུན་སྦྱོར་གྱི་འཕེལ་རྒྱས་ལ་སྐུལ་འདེད་བཏང་བ་རེད།