རྣམ་པ་གསར་བའི་ཞིང་གྲོང་མཉམ་ལས་སྨན་བཅོས་ཀྱིས་སྨན་ཁང་དུ་བསྡད་པའི་འགྲོ་སོང་རྩིས་ཞུ་ཚད་སྒོར་ཁྲི10རུ་ཇེ་མཐོར་བཏང་བ།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།　ད་ལོར།  རང་ཁུལ་རྣམ་པ་གསར་བའི་ཞིང་གྲོང་མཉམ་ལས་སྨན་བཅོས་ཀྱིས་སྨན་ཁང་དུ་བསྡད་པའི་འགྲོ་སོང་རྩིས་ཞུ་ཚད་དེ་ན་ནིང་གི་སྒོར་ཁྲི6ནས་སྒོར་ཁྲི10རུ་ཇེ་མཐོར་བཏང་བ་རེད།
        ད་ལོར།  ཁུལ་ཡོངས་སུ་རྣམ་པ་གསར་བའི་ཞིང་གྲོང་མཉམ་ལས་སྨན་བཅོས་ནང་ཞུགས་ཚད98.47%ལ་སླེབས་པ་དང་།   ཆ་སྙོམས་བྱས་ན་མི་རེའི་གྲབས་གསོག་མ་དངུལ་སྒོར340ཡིན།  （དེའི་ཁྲོད་དུ་ཀྲུང་དབྱང་དང་ཞིང་ཆེན་རིམ་པས་སྤྲད་པའི་ཁ་གསབ་སྒོར290དང་མི་སྒེར་གྱིས་སྤྲད་པའི་སྒོར60ཡོད།） སེམས་ཀྱི་ཉི་ཟླ་རྫོང་དང་བདེ་ཆེན་རྫོང་གི་མི་སྒེར་གྱིས་གྲབས་གསོག་བྱས་པའི་མ་དངུལ་ཆ་སྙོམས་བྱས་ན་མི་རེར་སྒོར60ཡོད་པ་དེ་དམངས་སྲིད་ཅུས་དང་།   འཆར་ལྡན་བུ་བཙའ་ཚང་མ་ཚབ་བྱས་ནས་སྤྲད་པ་དང་།   རྣམ་པ་གསར་བའི་ཞིང་གྲོང་མཉམ་ལས་སྨན་བཅོས་ཀྱི་མ་དངུལ་གྲངས་འབོར་ཡོངས་རིམ་པ་ཁག་གི་སྲིད་གཞུང་གིས་འགན་ལེན་བྱས་ནས། ཞིང་འབྲོག་མང་ཚོགས་ཀྱི་ཁུར་བོ་ཇེ་ཡང་དུ་བཏང་བ་དང་།  རྣམ་པ་གསར་བའི་ཞིང་གྲོང་མཉམ་ལས་སྨན་བཅོས་ནི་ཞིང་པ་མང་ཚོགས་ཀྱི་བདེ་ཐང་ལ་ནུས་ཡོད་ཀྱིས་འགན་སྲུང་བྱེད་པ་ཞིག་ཡིན།  ཉེ་བའི་ལོ་གསུམ་གྱི་རིང་ལ།  སྲིད་གཞུང་གིས་མུ་མཐུད་ནས་རྣམ་པ་གསར་བའི་ཞིང་གྲོང་མཉམ་ལས་སྨན་བཅོས་ཀྱི་གྲབས་གསོག་མ་དངུལ་གྱི་ཚད་གཞི་ཇེ་མཐོར་བཏང་བ་དང་།   མ་དངུལ་དང་ཁྱབ་ཚད་ལོ་རེར་ཇེ་མཐོར་སོང་བ་དང་བསྟུན་ནས།  འགྲོ་སོང་རྩིས་ཞུའི་བསྡུར་ཚད་ཀྱང་ཇེ་མཐོར་སོང་ཡོད།  ཁུལ་དང་རྫོང་།   ཤང་དང་གྲོང་གསེབ་རིམ་པ་བཞིའི་གཞུང་བཙུགས་སྨན་བཅོས་ལས་ཁུངས་སུ་ནད་ལ་བལྟས་ནས།   ལས་ཡུལ་དངོས་ནས་འགྲོ་སོང་རྩིས་ཞུ་རྒྱབ་ཆོག་པས།   ཞིང་འབྲོག་མང་ཚོགས་ཀྱིས་ནད་བལྟ་བ་ལ་སྟབས་བདེ་པོར་གྱུར།   དེ་དང་ཆབས་ཅིག  ཏན་ཏིག་གིས་གྲོང་གསེབ་ཀྱི་གལ་ཆེའི་ནད་ཆེན་འགན་སྲུང་ལས་ཀར་ཤུགས་སྣོན་རྒྱབ་སྟེ།   ཕྱོགས་ཡོངས་ནས་ནད་རིགས20ལ་ཁ་གསབ་འགན་སྲུང་དང་ས་གནས་གཞན་ནས་འགྲོ་སོང་རྩིས་ཞུ་ལས་ཀར་སྐུལ་སྤེལ་བཏང་བ་རེད།
        རྒྱུས་ལོན་བྱུང་བ་ལྟར་ན།   མིག་སྔར་འབྲེལ་ཡོད་སྡེ་ཁག་གིས་ཧུར་ཐག་གི་ངང་ཁུལ་ཕྱི་རོལ་ནས་ལས་ཡུལ་དངོས་སུ་འགྲོ་སོང་རྩིས་ཞུ་རྒྱག་པའི་ལས་ཀ་སྒྲུབ་བཞིན་པ་དང་།  གང་ནུས་ཀྱིས་ཕྱི་རོལ་དུ་སོང་ནས་ནད་ལ་བལྟ་བར་ལས་ཡུལ་དངོས་ནས་འགྲོ་སོང་རྩིས་ཞུ་རྒྱག་ཐུབ་པར་བྱེད་རྒྱུ་ཡིན་པ་དང་།  ནད་པས་ནད་བལྟ་བར་སྟབས་བདེ་བསྐྲུན་རྒྱུ་རེད།