རྩོམ་པ་པོ།   ཚེ་རིང་དོན་གྲུབ།  ཡིག་བསྒྱུར།       དུས་ཚོད།   2013-04-18   རྩོམ་ཁུངས།   
སེམས་ཀྱི་ཉི་ཟླའི་བོད་ཡིག་དྲ་བའི་འཕྲིན། ནུས་ཡོད་ཀྱིས་གལ་ཆེ་བའི་སྲོག་ཆགས་ཀྱི་རིམ་ནད་བྱུང་ཚུལ་སྔོན་འགོག་དང་སྔོན་བཅོས་བྱེད་ཆེད། བདེ་ཆེན་རྫོང་ཡན་མེན་ཤང་ཕྱུགས་ལས་སྨན་བཅོས་ས་ཚིགས་ཀྱིས་ཟླ 3 པའི་ཚེས 25 ཉིན་ནས་ཟླ 5 བའི་བར། ཤང་ཡོངས་ཀྱི་གྲོང་གསེབ་སོ་སོའི་གྲོང་མི་ཚོ་ཆུང་གིས་དཔྱིད་ཀའི་ཕྱུགས་ཟོག་ཐུན་མོང་ལ་རིམ་ནད་བྱུང་ཚུལ་སྔོན་འགོག་བྱེད་པའི་ལས་ཀ་སྒྲུབ་པ་རེད།
ཡན་མེན་ཤང་ཕྱུགས་ལས་སྨན་བཅོས་ས་ཚིགས་ཀྱིས་ཚགས་ནན་མོས་བཀོད་སྒྲིག་བྱས་ཏེ། རྫོང་དང་། ཤང་། གྲོང་གསེབ་རིམ་པ་གསུམ་གྱི་ལས་བྱེད་མི་སྣ 10 ལྷག་ཚོ་ཆུང 4 རུ་བགར་ཏེ། གྲོང་མི་ཚོ་ཆུང་རེ་རེ་དང་། ཞིང་པའི་ཁྱིམ་ཚང་རེ་རེ་སོང་ནས་ཞབས་ཞུ་སྒྲུབ་པ་རེད། ལས་བྱེད་མི་སྣས་གྲ་སྒྲིག་བྱས་ཟིན་པའི་སྨན་རྫས་དང་། སྨན་ཀྱི་ཡོ་བྱད་སོགས་འཁྱེར་ནས། གྲོང་གསེབ་ཀྱི་ཁྱིམ་ཚང་རེ་རེར་སོང་ནས་ནན་ཏན་གྱིས་ཕྱུགས་ཟོག་གསོ་སྤེལ་བྱས་པའི་གནས་ཚུལ་ཐོ་འགོད་བྱས་པ་མ་ཟད། སེམས་ཞིབ་མོས་ཕྱུགས་རིགས་ཀྱི་ནད་འགོག་གི་འབྲེལ་ཡོད་སྲིད་ཇུས་དང་ཤེས་བྱར་འགྲེལ་བཤད་བྱས་ཏེ། གྲོང་མི་རྣམས་ལ་ཕྱུགས་ཟོག་གི་ཉེན་འགོག་ལས་གཉེར་བྱས་པ་དང་། ལུག་དང་། རྟ། ནོར། ཕག་སོགས་ལ་ནད་འགོག་གི་སྨན་ཁབ་རྒྱབ་པས། གྲོང་གསེབ་ཀྱི་མང་ཚོགས་ཀྱིས་དགའ་བསུ་ཐོབ་ཡོད་པ་རེད། (ཚེ་རིང་དོན་གྲུབ་ཀྱིས་བསྒྱུར་ཞིང་ཞུས།)