སྦི་རག་ཡག་ཉེས་འབྱེད་སྟངས་དང་ཆང་ནད་སེལ་ཐབས།

རྩོམ་པ་པོ།     ཡིག་བསྒྱུར།       དུས་ཚོད།   2019-02-12   རྩོམ་ཁུངས།    བོད་ལྗོངས་ཉིན་རེའི་ཚགས་པར་གྱི་བོད་ཡིག་སྨྱན་སྦྱོར།

        སྦི་རག་ཡག་ཉེས་འབྱེད་སྟངས།

        1.ཐུམ་སྒྲིལ་ལ་ལྟ་དགོས།སྤུས་ཚད་ཞན་པའི་སྦི་རག་གི་ཐུམ་སྒྲིལ་རྩུབ་ཤས་ཆེ་ལ། ཚོང་རྟགས་ཀྱི་ཤོག་བུའི་སྤུས་ཚད་ཀྱང་ཞན་པོ་ཡོད་པས།འཛད་སྤྱོད་པས་དང་ཐོག་གང་དེར་ཞིབ་ཚགས་ལྟ་དགོས། 

        2.དཔང་ཡིག་ལ་ལྟ་དགོས།ནང་འདྲེན་བྱས་པའི་སྦི་རག་ཡིན་ཕྱིན།འགག་སྒོའི་ནད་ཡམས་བརྟག་དཔྱད་ཚད་ལེན་བྱས་པའི་དཔང་ཡིག་དང་བཟའ་བཅའི་འཕྲོད་བསྟེན་གྱི་དཔང་ཡིག་ཡོད་པས།  གང་དེ་ཡོད་མེད་ལ་ཞིབ་ཚགས་ལྟ་དགོས་གལ་ཆེ། 

        3.སྦི་རག་གི་ཤེལ་དམ་ནང་དུ་ལྟ་དགོས།སྦི་རག་གི་ཤེལ་དམ་ནང་དུ་ཉོག་སྙིགས་དང་དངོས་པོ་གཞན་ཡོད་མེད་ལྟ་དགོས། 

        4.དྲི་མ་སྣོམ་དགོས།སྤུས་ཚད་ལེགས་པའི་སྦི་རག་ནས་གྲོའི་མཆེ་བ་དང་སྦི་རག་མེ་ཏོག་གི་དྲི་ཞིམ་འཐུལ་ཡོང་གི་ཡོད།གལ་ཏེ་སྦི་རག་ཁ་ཕྱེ་ནས་དྲི་མ་སྣོམ་སྐབས་སྐྱུར་དྲིའམ་དྲི་མ་གཞན་ཁ་ན།དེ་ནི་སྦི་རག་སྤུས་ཞན་ནམ་དུས་ཚོད་ཡོལ་བའི་སྦི་རག་ཡིན་པས་འཐུང་མི་ཉན། 

        ཆང་ནད་སེལ་ཐབས།

        1. ཆུ་གྲང་མོས་མགོ་བོ་འཁྲུད་དགོས།

        2. ཆུ་ཁོལ་མང་ཙམ་འཐུང་དགོས།

        3. དང་ག་འབྱེད་པ་དང་ལུས་ལ་འཕྲོད་པའི་ཟས་བསྟེན་དགོས།

        4. ཚལ་རིགས་མང་ཙམ་ཟ་དགོས། 

        5.ཆང་ནད་ཆང་གིས་སེལ་ཞེས་པའི་དཔེ་ལྟར་ཆང་ཉུང་ཙམ་ཞིག་བསྟེན་ན་གནོད་པ་མེད།