སྲིད་གྲོས་སྐབས་བཅུ་གཉིས་པའི་གྲོས་ཚོགས་ཐེངས་གསུམ་པར་བསྡོམས་པས་གྲོས་གཞི་66འབྱོར་ལ། གྱོད་དོན་54ཐོ་འགོད་བྱས་པ།

རྩོམ་པ་པོ།     ཡིག་བསྒྱུར།       དུས་ཚོད།   2019-01-03   རྩོམ་ཁུངས།   

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།2018ལོའི་ཟླ12པའི་ཚེས24ནས་ཚེས26ཉིན་གྱི་ཆུ་ཚོད12པའི་བར་སྲིད་གྲོས་སྐབས་བཅུ་གཉིས་པའི་གྲོས་ཚོགས་ཐེངས་གསུམ་པའི་ཐོག་བསྡོམས་པས་གྲོས་གཞིའི་ཡིག་ཆ་66འབྱོར། དེའི་ཁྲོད་སྲིད་གྲོས་ཆེད་དམིགས་ཨུ་ཡོན་གྱི་གྲོས་གཞི་7དང་སྲིད་གྲོས་ཨུ་ཡོན་གྱི་གྲོས་གཞི་59བཅས་ཡོད་པ་རེད། ཞིབ་བཤེར་བྱས་པ་བརྒྱུད་མཐར་གྲོས་གཞི་54གྱོད་དོན་ཐོ་འགོད་བྱས་ཤིང་།གྱོད་དོན་ཐོ་འགོད་བྱེད་ཚད81%ཡིན། གྲོས་གཞིའི་ནང་དོན་ལ་དཔལ་འབྱོར་དང་སྐྱེ་ཁམས། རིག་གནས་སོགས་ཕྱོགས་མང་བོ་ཡོད།

གྲོས་གཞི་ཞིབ་བཤེར་ཨུ་ཡོན་ལྷན་ཁང་གིས་ཞིབ་བཤེར་ཐག་གཅོད་བྱས་པ་བརྒྱུད་ནས་གྲོས་གཞི་5གྱོད་དོན་ཐོ་འགོད་མི་བྱེད་པ་ཐག་གིས་བཅད་ལ། ནང་དོན་གཅིག་མཚུངས་ཡིན་པའི་གྲོས་གཞི་5ཨུ་ཡོན་ལྷན་ཁང་གིས་གྲོས་གཞི་བཏོན་མཁན་མི་སྒེར་གྱི་ཆོག་མཆན་ཐོབ་པ་བརྒྱུད་ནས་གྲོས་གཞི་གཅིག་རྩིས་པ་རེད། ཆེད་བརྗོད་བརྟག་ཞིབ་ཀྱི་ནང་དོན་2དང་། མང་ཚོགས་ཀྱི་ཁེ་ཕན་དང་ཐད་ཀར་འབྲེལ་བ་ཡོད་པའི་རེ་ཞུའི་འཕྲིན་ཡིག་1བཅས་ཡོད་དེ། མཐར་གྲོས་གཞི་54གྱོད་དོན་ཐོ་འགོད་བྱས་ལ། གྱོད་དོན་ཐོ་འགོད་བྱེད་ཚད་81.8%ཡིན། དེའི་ཁྲོད་གཅིག་བསྡུས་ཀྱིས་བཏོན་པའི་གྲོས་གཞི་4ཡོད་ལ། ཟིན་ཚད7.4%ཡིན། ཨུ་ཡོན་མི་སྒེར་གྱིས་བཏོན་པའི་གྲོས་གཞི་54%ཡོད་ལ། ཟིན་ཚད་92.6%ཡིན། འདིའི་ཁྲོད་ཨུ་ཡོན་གྱི་འབྲེལ་མིང་གྲོས་གཞི་12ཡོད། རིགས་དབྱེ་བྱས་ན་དཔལ་འབྱོར་ཕྱོགས་ཀྱི་གྲོས་གཞི་12ཡོད་ལ། ཟིན་ཚད་22.2%ཡིན། ཆབ་སྲིད་འཛུགས་སྐྲུན་ཕྱོགས་ཀྱི་གྲོས་གཞི་15ཡོད་ལ། ཟིན་ཚད་27.8%ཡིན། རིག་གནས་འཛུགས་སྐྲུན་ཕྱོགས་ཀྱི་གྲོས་གཞི་4ཡོད་ལ། ཟིན་ཚད་7.4%ཡིན། སྤྱི་ཚོགས་འཛུགས་སྐྲུན་ཕྱོགས་ཀྱི་གྲོས་གཞི་19ཡོད་ལ། ཟིན་ཚད་35.2%ཡིན། སྐྱེ་ཁམས་འཛུགས་སྐྲུན་ཕྱོགས་ཀྱི་གྲོས་གཞི་4ཡོད་ལ། ཟིན་ཚད་7.4%ཡིན། 《སྲིད་གྲོས་བདེ་ཆེན་ཁུལ་ཨུ་ཡོན་ལྷན་ཚོགས་ཀྱི་གྲོས་གཞི་ལས་ཀའི་དོན་ཚན་》གྱི་གཏན་ཁེལ་ལྟར་ན། གྱོད་དོན་ཐོ་འགོད་བྱས་པའི་གྲོས་གཞི་གཙོ་བོ་བརྒྱད་བདམས་ནས་ཀྲུའུ་ཞིའི་གྲོས་ཚོགས་ལ་སྟེར་ནས་ཞིབ་བཤེར་ཐག་གཅོད་བྱེད་དུ་འཇུག་དགོས་པ་རེད།

གྲོས་གཞི་གཙོ་བོ་ནགས་ཕག་མཚོའི་ཆུ་བཀག་གནོད་ཐེབས་བཅོས་སྐྱོང་དང་འབྲི་ཆུའི་བཀག་ཆུའི་ཆུ་ལོག་གི་གནོད་ཐེབས་རྗེས་ཀྱི་བསྐྱར་སྐྲུན། ཟས་རིགས་བདེ་འཇགས་ཀྱི་ལྟ་རྟོག   གྲོང་ཁུལ་གྱི་འགྲོ་ལམ་ལེགས་བཅོས། གྲོང་ཁུལ་གྱི་དྲོད་རླུང་ལས་གྲྭའི་སྐུལ་སྤེལ། སྐྱེ་ཁམས་ཁོར་ཡུག་བཅོས་སྐྱོང་གི་ཤུགས་སྣོན་ཚད། ན་གཞོན་ལས་ཞུགས་ལས་གཏོད་ཀྱི་ལམ་ཁ་ཡངས་པོ་བྱེད་དགོས་པ། དབུལ་སྒྲོལ་འགག་སྒྲོལ་གྱི་ལས་ཀ་སོགས་ཕྱོགས་མང་བོ་ཡོད་པ་རེད།

ཚོགས་ཆེན་མཇུག་སྒྲིལ་རྗེས་ཁུལ་སྲིད་གྲོས་ཀྱིས་དུས་ཐོག་ཏུ་ཐེངས་འདིའི་གྲོས་ཚོགས་སྟེང་བཏོན་པའི་གྲོས་གཞི་བསྐྱར་ཞིབ་བྱས་ཤིང་། ཁུལ་ཨུ་དང་ཁུལ་སྲིད་གཞུང་གིས་འཚོགས་པའི་གྲོས་གཞིའི་ལས་སྒྲུབ་གྲོས་ཚོགས་དང་མཉམ་འབྲེལ་བྱས་ཏེ། ལས་རིམ་ལྟར་འགན་ཁུར་བ་དང་སྒོ་བསྟུན་ལས་སྒྲུབ་ཀྱི་རྩ་དོན་ལྟར། འབྲེལ་ཡོད་སྡེ་ཁག་དང་ལས་ཁུངས་ལ་ལས་སྒྲུབ་བྱེད་དུ་བཅུག་པ་མ་ཟད། ལྟ་རྟོག་དོན་འཁྱོལ་ཐུབ་པར་ཤུགས་སྣོན་བྱས་ལ། ལས་སྒྲུབ་ཀྱི་སྤུས་ཚད་མཐོར་འདེགས་བཏང་ཡོད།  ཐེངས་འདིའི་གྲོས་ཚོགས་ཀྱི་རྗེས་སུ་འབྱོར་བའི་གྲོས་གཞི་རྣམས་གྲོས་གཞི་ཨུ་ལྷན་གྱིས་དུས་རྒྱུན་གྲོས་གཞི་ལྟར་དུས་ཐོག་ཏུ་གྱོད་དོན་ཞིབ་བཤེར་བྱས་པ་མ་ཟད། གཏན་ཁེལ་གྱི་གོ་རིམ་ལྟར་འབྲེལ་ཡོད་ལས་སྒྲུབ་སྡེ་ཁག་ལ་སྟེར་ནས་ལས་སྒྲུབ་བྱེད་དུ་བཅུག་ཡོད།